من روائع الشعر الملحون الجزائري..

[فسحة أمل]

جيتك رافع دعوتي يا قاضي الحـــب.........وتغيث المضيوم داخل تحت حمـــــاك
لا تغبن مظلوم يتجلى هـــــــــــــارب.........جار عليه الحب مثلي وتعنـــــــــــــاك
عيني شافت ريم كي طاح المغـــرب........كيما شفت شافني ما نيشي شــــــــــــاك
بالوَمْيَة نابيتلو الي وجــــــــــــــــــب.........كي كلمتو قال لي فاهم معنـــــــــــــــاك
ناباني بالعين وبشارة تعجـــــــب..........قال تنكب حاذر الحســـــــــــاد وراك
وهمنا ذا الناس بالسربة تعــــقــــب.........وتلاقيت بشوفتي ســــــــــا عة من ذاك
عدت انجيب كلام ما هوش مصاوب.......مقواني قدام باشا من الاتـــــــــــــــراك
اعرفني مخلوع منو متــــــرهــب..........كلمتو بعض الكلام وقــــــال ادزاك
انظرني بعيون قتالة تعطـــــــب.............راه مقلق ما جبرت معاه ســــــلأك
جات الظلمة بينا والحال غصب.............هو راح سليم وانا زدت اهــــــــلاك
هذا ما قال لي ع الصح مرتب...........شوف جواب خليلتي وعمل مرضاك
اعدل فيما بينا دير الواجـــب............اذا ربيت القايمة رب يرعـــــــــــاك
قال لها واعلاه يا كحل الحاجب..........اتواسي لو هكذا خافي مــــــــــولاك
قالت لو مجنون يصحى ويغيب..........لا تاذلو راي بالباطل شكــــــاك
صدت لي قاتلي مالك تكذب..............ياك انا فالشاو مانعرفش اسمــــــاك
ما نقدرش انقول ذاك الفم كذب..........لكن عدينا ليالي انا ويــــــــــــــــــاك
عندي شاهد ما يزيف ما يكذب..........هذا القلب اللي مكوي بيه جفــــــاك
تدلل بكلام عني وتمقيب...........قالت لي من يعرفك هذا تهمــــــــــــاك
ولد الخيمة عيب عنو كان انسب.......اذا غابت نسبتي سالي بـــــــــــاباك
انديرو ما بينا ربي راقب...............اذا قلبك شين عنا يتـــــــــــــــــولاك
مول القلب الزين عمرو ما ينكب.....واللي حاسد فارقو لو كان ضنــاك
انحس النيران في جوفي تلهب........انا عقلي من فراقك زاد اهـــــــلاك
يوم افراقك فيه عام اذا نحسب........ضروك دار الحول وانا نستنــــــاك
صاحب ضني قال لي لا تشغب......وسع بالك للزمان اذا عـــــــاداك
نجم النحس اذا طلع لابد يغرب......اذا بيك حبيب قلبك ما ينســــــاك
يا دهري ظنيت ما درت الواجب......لي مدة ناظرة عيني لقفــــــــاك
كنت انمثل خاطري طير ايلوب.......وين اختلتو راه لاح العين احذاك
كي كان المكتوب مامنو مهرب........نصبولوعلى زينة الشوفة لشراك
نجع المحنة حط في قلبي رحب........قداش ان دوار شبكها تشبـــــاك
من كثرة لهوال نصحى ونغيب........سكران ب خمر المحبة دايم هاك
طول الليل انبات مفتون انلوب.........ويوك يا ليل الهموم ايبان ضياك
قالو لي في حب ولفك كانش طب......ماظنيت ايفكني منها فكــــــــــاك
قلبي والع بيك والحسنة تجلب..........نبغي من تبغي وننكر من عاداك
لو كان المولى ايجيب نهار غصب .....وتمكن ضرباتها في لهـــــلاك
ذاك الوقت اندير صدري للمشرب......يا ولفي نديك ولل انموت حذاك
راهم بعض الناس قالو لي تتعب.......اتبع في شاردة ربي عيــــــــاك
لو تتركها خير لك ما تتعذب............اتغانى عنها وخلي من خلاك
ما ينساكش خاطري ما يتجنب.........اذا ينسى قيس ليلى ما تنســــاك
يعرف قدر الحب من شاف وجرب.....يعذرني ويقول راه الحق معـاك
على الطفلة اللي زينها فايق يعجب......اجميع اللي صار لك عنها مقواك
ضرك دارت بيك هي تتحاسب.........ويفكك في الاخرة منها مــــــــولاك

لابن كريو(عبد الله)

[عشتار]

سلمت يداكي غاليتي

[أرب جمـال]

العزيزة فسحة أمل
اشكرك على هذه القصيدة وارجو اطلاعنا على المزيد من ابداعات شعراء الجزائر

محبتي وتقديري لكِ

[فسحة أمل]

اقتباس : المشاركة الأصلية كتبت بواسطة عشتار [ مشاهدة المشاركة ]

سلمت يداكي غاليتي

الغالية عشتار شكراً لمرورك
تسلملي الطلة..
محبتي..

[فسحة أمل]

اقتباس : المشاركة الأصلية كتبت بواسطة أرب جمـال [ مشاهدة المشاركة ]

العزيزة فسحة أمل اشكرك على هذه القصيدة وارجو اطلاعنا على المزيد من ابداعات شعراء الجزائر محبتي وتقديري لكِ

الغالية أرب..
أنا التي تشكر كرم مرورك..
سعيدة جداً باهتمامك.. سأحاول إن شاء الله..
محبتي و احترامي..

[أزهار]

قصيدة شعبية جميلة و اختيار موفق آمال العزيزة
اضم صوتي الى صوت ارب و اطالب بمقتطفات متفرقة نتعرف من خلالها على الشعر الشعبي الجزائري
تحيتي عزيزتي

[B-happy]

جميل جدا اشكرك اختي فسحة امل على نقلك لهذه القصيدة
وبالرغم من عدم قدرتي على فك بعض من كلماتها التي لم استطع اعرف معناها مثل
نابيتلو،فالشاو،انلوب
الا اني استمتعت بها جداً
واضم صوتي مع الاختين ارب وازهار بان تتحفينا بالمزيد من الشعر الجزائري
مشكورة على هذه اللفتة الجميلة
تقبلي مروري بكل احترام

[غيداء]

سلمت يمناك على الطرح الجميل ..

ودامت ذائقتك على هذا الإنتقاء الرائع غاليتى امل ..

[عبدالرحمن حموده]

بجد رووااائع
يسلمو اديكي اختي فسحه امل